Feeds:
Seratan
Pairan

Reuni & Halal Bihalal 1433 H (2012 M)

Halal bihalal 1433 H (2012 M)

Reuni alumni 1997 SMU 1 Subang dilaksanakeun tanggal 25 Agustus 2012 di Cafe Roemah Dilla, daerah Kopti Subang, sakalian halal bihalal ba’da lebaran . Mugia janten pamageuh silaturahim urang sadaya. Hatur nuhun kanu parantos sumping, diantos kasumpinganna dina acara alumni97 salajengna. Mugia langkung seueur deui nu sumping.

Lebaran 1433 H

Lebaran 1433 H - Ensco-106, Laut Cina KidulTaun ieu mah lebaran teh di tengah laut Cina Kidul, ngumpul jeung dulur-dulur di nagri tatangga.

Warga Malaysia ngamimitian puasa tanggal 21 Juli, terus idul fitri-na (urang dieu nyebutna ‘aidil fitri) tanggal 19 Agustus saluyu jeung kaputusan pamarentahna. Hanjakalna taun ieu mah kuring teu sempet ngayakeun shalat ‘eid di pagawean sabab teu sempet ngadatangkeun imam jeung teu aya tempat nu merenah. Ngan ari kadaharan mah cukup istimewa, salian ti aya kupat jeung briyani teh make aya salmon  sagala. Beda saeutik jeung diurang, di dieu mah minagka juadah lebaran salian ti kupat teh aya oge  leumeung (lemang).

Kuring unggah ka darat poe kadua lebaran,  eta ge teu langsung mulang ka lemah cai, nginep heula sapeuting di Kuantan, Pahang. Jadi waktu nepi ka Jakarta, suasana mudik tos teu katingali. Jalan-jalan di Jakarta geus karosong da ditinggalkeun ku wargana. Perjalanan ti Bandara ka Purwakarta ge teu ngalaman macet di tol kawas biasana.

Wilujeng boboran ka sadaya. taqobbalallahu minna wa minkum Mugia salawasna aya dina rahmat Allah subhanahu wata’ala.

Halal bihalal 2010

Reuni nu kadua alumni 1997 SMU 1 Subang diayakeun di RM. Urang Lembur Kalijati Subang, sakalian halal bihalal lebaran. Kompak teruus. Album salengkepna dina facebook alumni 97.

Lebaran di Pasisian Kaltim

shalat_ied_smallSiga taun-taun samemehna, taun ieu ge kuring  lebaran teh parengan keur jauh jeung kulawarga. Cindekna taun ieu kuring lebaran di wewengkon Muara Badak, Kabupaten Kutai Kartanegara – Kalimantan Timur.

Lebaran taun ieu  perusahaan mere kalonggaran ka kuring sabatur-batur di pagawean keur shalat ied tur silaturahmi. kaitung 6 jam rig standby keur mere kasempetan kaum muslimin lebaran. Atuh tumaninah pisan kuring shalat ied di rig tatangga nu kabeneran ngayakeun sholat ied. Sanajan jauh ti pilemburan, dulur-dulur kuring di rig-5 satekah polah ngayakeun sholat ied, nepi ka imamna ge manggil ti Muara Badak. Sanggeus sholat ied, terus sasalaman jeung balakecrakan dahar kupat lebaran. Malahan kru lokal mah sempet mulang ka imahna keur silaturahmi jeung kulawargana masing-masing.

Sanajan jauh ti imah ge kuring ngarasa syukur sabab bisa lebaran cara batur nu di lalembur.  Sanajan jadwal kuring mah saminggu tas lebaran karek bisa mulang. Nya kakaren mah meureun tos moal kabagean, tapi tetep aya  kabagjaan bisa mulang ka lembur satos lebaran.

Foto-fotona mah aya di http://asepher.tumblr.com Tuluykeun Maca »

reunianSanggeus 12 taun papisah, alumni SMA Negeri 1 Subang taun 1997 ngayakeun riung mungpulung keur ngaraketkeun deui tali silaturahmi. Ieu acara nu diayakeun tanggal 19 Juli 2009 di Dayang Sumbi Hall -Sari Ater teh dihadiran ku ampir 50 alumni kalayan kulawargana. Salian ti acara tepang sono, ngobrol ngaler ngidul oge diselangan ku musik jeung undian doorprize. Foto-fotona diunggah di grup facebook angkatan’97.

Jepretan Amatir: Subang Pakidulan

Foto daerah Ciater di pakidulan Subang, dipotret di tempat nu disebut Dayang Sumbi. Hejona kebon enteh satungtung deuleu jeung gunung-gunung antara Jalan Cagak nepi ka Gunung Tangkuban Parahu jadi daya tarik utama daerah ieu.
Loba jalma ti luar daerah lamun ngadenge Subang teh dianggapna daerah pagunungan. Padahal mah Subang boga wilayah ti mimiti pagunungan nepi ka basisir laut jawa.

Powered by ScribeFire.

Ahad Isuk-isuk…

ahad-isukCi ibun masih nyalangkrung dina tungtung daun, kota Subang poe eta rada alum ku mendung. Rebun-rebun kuring sakulawarga geus ngabring ka GOR Subang, maksud rek jalan-jalan bari mumuluk di pasar kaget nu saban poe ahad minuhan jalan jeung palataran GOR. Kira-kira 11 taun kuring teu pernah ngulampreng ka eta tempat, katingalina GOR teh geus teu kaurus. Baheula mah waktu SMA, kadang didinya diayakeun tunamen maen bal antar sakola.

Di pasar kaget eta, rupa-rupa barang jeung kadaharan di jual. Ti mimiti tukang bubur, kupat tahu, wuduk, rupa-rupa inuman, buah-buahan, pakean, coco’oan budak nepi ka tukang manuk jeung kelenci. Salian ti nu olahraga, lolobana nu daratang ngan saukur jalan-jalan atawa balanja.  Nya kaasup kulawarga kuring nu niatna ukur wisata kuliner.

ahad-isuk21

Di lapangan, si cikal jeung si bungsu kacida gumbirana lulumpatan dina amparan jukut. Sakalian kuring oge masang tenda dihandapeun tangkal caringin keur tempat reureuh barudak. Poe ieu kuring hayang  hayang suka bungah jeung kulawarga, sabab engke sore maranehna bakal ditinggalkeun deui nyiar kipayah.

Powered by ScribeFire.